AGROBOOTCAMP
FAGA Agrobootcamp Lugo 2026 · Emprendemento agroalimentario
Acelera o teu proxecto agroalimentario en dúas xornadas
O FAGA Agrobootcamp Lugo 2026 é unha aceleradora intensiva para impulsar proxectos innovadores do sector agroalimentario da provincia de Lugo.
Durante dúas xornadas reunimos persoas emprendedoras, empresas, produtores e gandeiros, técnicos/as, investigadores/as e estudantes para traballar xuntos, con método e co apoio de mentores, e levar cada iniciativa ao seguinte nivel: validar a idea, afinar o modelo e saír cun plan claro para seguir avanzando.
Datas: 15 de decembro e 16 de decembro de 2026 (ata as 17:00h)
Horario: 9:00-17:00 h (ambas xornadas)
Lugar: Escuela de Empresarios y Centro de Formación CEL · Rúa Manuel Murguía, 6, baixo · 27003 Lugo
Que atoparás
- Aceleración práctica e áxil, aplicada desde o primeiro minuto ao teu proxecto.
- Experiencias reais de empresas e emprendedores do sector.
- Mentorías personalizadas con profesionais con experiencia.
- Traballo en equipo con perfís complementarios que suman ao proxecto.
- Guía de próximos pasos e acompañamento para seguir avanzando despois do programa.
Dúas formas de participar
Como proxecto
Para persoas e equipos cunha idea, iniciativa ou negocio agroalimentario innovador vinculado a Lugo que queiran validalo, consolidalo ou facelo crecer.
- Ata 15 candidaturas. Seleccionaranse entre 5 e 8 proxectos.
- Despois de inscribirte, envía un resumo do proxecto en PDF (máximo 2 páxinas) a través da ligazón que recibirás por correo.
- A organización avaliará as candidaturas e contactará contigo para unha entrevista.
- Prazo de inscrición: 30 de novembro de 2026.
Como participante
Para estudantes, investigadores/as, técnicos/as, empresarios/as e profesionais que queiran sumarse aos equipos dos proxectos e axudar a impulsalos co seu talento e experiencia.
Que farás:
- Impulsar proxectos reais desde dentro dos equipos.
- Aplicar metodoloxías de deseño e validación para acelerar cada proxecto.
- Achegar a túa experiencia aos retos do sector agroalimentario na provincia.
- Traballar en colaboración con emprendedores e mentores.
- 12 prazas.
- No formulario indicarás o teu perfil profesional para encaixarte no proxecto que mellor aproveite a túa experiencia.
- Prazo de inscrición: 12 de decembro de 2026.
Compromiso: a participación require asistir ás dúas xornadas.
Financia
Deputación de Lugo